جهاز كلاراسونيك لتنظيف البشرة

السلام عليكم ورحمة الله وبركاته ، اليوم بنقل لكم تجربة بسيطة وعرض حصلته في السوق الحرة لمطار الشيخ حمد الدولي – قطر ، العرض خصم على مجموعه كاملة لجهاز كلاراسونيك لتنظيف البشرة ، البوكس يشمل جهاز كلاراسونيك للتنظيف + غسول يومي + قناع يستخدم مرتين بالاسبوع..طبعاً بتكلم أول شي عن سعر البوكس الأصلي بدون الخصم 705 ريال قطري ، لكن اذا شريت البوكس من عندهم بفترة العرض راح تحصلونه بـ 564 ريال قطري ، وتعتبر هذه صفقة رابحة لأن الجهاز عندهم ينباع بسعر قريب من سعر البوكس كامل ، فالأفضل إنك تاخذ العرض وهذا اللي سويته.

تجربة الجهاز :

للأمانة الجهاز صغير وعملي وسهل الاستخدام ، من خلال تجربتي لمدة اسبوعين حسيت ان فعلاً في فرق مع كل استخدام ، أنا بشرتي دهنية وأستخدم الجهاز مرة وحدة يومياً بالليل قبل النوم ، مشكلة بشرتي الدهنية المسامات دايماً مفتوحة ، رؤوس سودا ، بشرة لامعة..حسيت ان مشاكل بشرتي خفت بشكل كبير بس قمت ألاحظ إن بشرتي صارت بسرعة تنشف فقمت أستخدم مرطب فوراً بعد كل مرة استخدم الجهاز وانام.

الخلاصة :

الجهاز مفيد ؟ اكيد . أحتاجه ؟ انت جاوب ع السؤال…اذا تحس نفسك جربت وايد أمور وما شفت نتيجه أنصحك تجرب الجهاز وباذن الله بتحس بفرق